Шинэчлэлийн Засгийн газрын бодлого, нийслэлийн Засаг даргын үйл ажиллагааны хөтөлбөрийг хэрэгжүүлэхэд дүүргийн хороодод шинээр томилогдсон Засаг дарга нарын чадвар, ажлын идэвхи багагүй үүрэг гүйцэтгэнэ.

3 сарын 31 -ны Ням гараг нь “Автомашингүй өдөр буюу машинаас татгалзах өдөр” бөгөөд 7 хоногийн үйл ажиллагааны хамгийн гол арга хэмжээ нь юм. Энэ өдөр Улаанбаатар хотын нийт иргэдийг автомашингүй, тайван орчин болсон хотын төв гудамжуудаар тааваараа алхаж, дугуй унаж, дугуйн парад, гүйлтийн тэмцээн болон талбайн хүүхдийн гар зургийн уралдаан, урлагийн тоглолт, бөмбөрийн хамтлаг, дугуйн үзүүлэх тоглолт үзэж, эрүүл мэндийн мэдээлэл сургалтанд хамрагдахыг урьж байна.

"Автомашингүйгээр цэвэр агаарт хамтдаа" аян  3 сарын 28-ны  өдөр  “Зам тээврийн мэдээлэл, сургалтын өдөр”-өөр үргэлжилж байна. Энэ өдрийг “Зам тээврийн осол гэмтлээс хүүхдийг сэргийлж, хамгаалъя” сэдвийн дор ухуулга нөлөөллийн өдөр болгон зарлаж байгаа юм. Ерөнхий боловсролын сургуулийн удирдлагуудад зориулсан ухуулга, нөлөөллийн уулзалт Засгийн газрын 11-р байрны 2 давхрын хурлын танхимд 14:00-16:30 цагт болно

Нийслэлийн ИТХ-ын дарга Д.Баттулгаар ахлуулсан” Гэр хорооллын дахин төлөвлөлтийн журам”-ыг хэрэгжүүлж, удирдан зохион байгуулах үүрэг бүхий Төслийн удирдах хорооны ээлжит хурал болж,  Гэр хорооллын дахин төлөвлөлтийн төсөл хэрэгжүүлэх хүсэлт ирүүлсэн 32  аж ахуйн нэгж байгууллагын 52 саналыг Гэр хорооллын хөгжлийн газрын дарга Ш.Ганхуяг танилцууллаа. Төсөл хэрэгжүүлэгчийг сонгон шалгаруулах ажлын явцтай Төслийн удирдах хорооны гишүүд танилцан, холбогдох албан тушаалтнуудад зохих үүрэг, чиглэл өгсөн байна.

Нийслэлийн ИТХ-ын ээлжит наймдугаар хуралдаан өнөөдөр боллоо. Хуралдаанаар Улаанбаатар хотод метро байгуулах төслийн судалгааны ажлын тайлангийн тухай мэдээлэл, нийслэлийн гудамж замын хөдөлгөөнд ачааны автомашин оролцуулах түр зөвшөөрлийн хураамжийн хэмжээг тогтоох тухай зэрэг асуудлыг хэлэлцлээ.

Нийслэлийн ИТХ-ын ээлжит хуралдаанаар Улаанбаатар хотод цагийн хязгаарлалт тогтоосон гудамж замын хөдөлгөөнд ачааны авто машиныг оролцуулах түр зөвшөөрлийн хураамжийн хэмжээг шинэчлэн тогтоолоо.  НИТХ-ын 2009 оны 153 дугаар тогтоолоор нийслэлийн гудамж, замын хөдөлгөөнд ачааны автомашиныг зохицуулалттайгаар оролцуулах журмыг баталж, хураамжийг тогтоосон байдаг

Нийслэлийн иргэдийн ая тухтай ажиллаж амьдрах таатай орчин, нөхцлийг бүрдүүлэх зорилгоор Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал “Бүх нийтийн их цэвэрлэгээний ажлын удирдамж”-ийг батлан гаргалаа.

Нийслэлийн удирдлагууд 2020 он гэхэд Улаанбаатар хотын нийтийн тээврийн үйлчилгээнд метрог нэвтрүүлэх зорилт тавин ажиллаж, Японы Жайкагийн төслийн багийн дэмжлэгтэйгээр судалгааны ажлыг өнгөрсөн онд эхлүүлсэн юм. Жайкагийн төслийн багийхан Улаанбаатарт метро байгуулах судалгааны ажлын тайлан болон, урьдчилсан техник эдийн засгийн үндэслэлийг нийслэлийн удирдлагуудад танилцуулж, энэхүү төслийг 3 дугаар сарын 28-нд болох НИТХ-ын ээлжит хуралдаанаар хэлэлцэн шийдвэрлэхээр товлосон

Нийслэлийн Аялал жуулчлалын газрын дарга Э.Баттулга, нийслэлийн Цагдаагийн газрын дарга Д.Батжаргал  нар "Хамтын ажиллагааны санамж бичиг"-т гарын үсэг зурлаа. Санамж бичигт гадаадын аялагч, жуулчдын аюулгүй байдлыг хангах, урьдчилан сэргийлэх, гарсан зөрчил гомдлыг шуурхай шийдвэрлэх, мэдээлэл, судалгаа солилцох, аялагч, жуулчид, иргэд, аж ахуйн нэгжүүдэд хууль тогтоомж сурталчлах, сургалт семинар зохион байгуулах ажлууд тусгагджээ

“Автомашингүйгээр цэвэр агаарт хамтдаа” уриатайгаар хэрэгжиж байгаа Автомашингүй өдөр 3 сарын 27-ны лхагва гаригт “Унадаг дугуйн өдөр”-өөр үргэлжиллээ.  Энэ өдөр хэвлэл мэдээллийн хэрэгслээр унадаг дугуйн давуу тал, дугуйн хэрэглээ болон дугуйн спортын талаар нийгэмд хандсан мэдээлэл түгээж, унадаг дугуйн дэлгүүр, клубүүд өөрийн байран дээр үйл ажиллагаагаа сурталчилсан байна

Нийслэлийн ИТХ-ын ээлжит бус хуралдаанаар “Улаанбаатар хотын нутаг дэвсгэрт гадна зар сурталчилгааны байгууламж байрлуулахад дагаж мөрдөх журам “-ыг  баталсан. Уг журмын дагуу Улаанбаатар хотын Захирагчийн ажлын алба   03 дугаар сарын 01-нээс эхлэн нийслэл хотын хориглосон газрууд болон замын тусгаарлах зурваст  байршуулсан реклам, сурталчилгааны самбаруудыг буулгах ажлыг  дүүргүүдийн  Дэд бүтэц,  тохижилтын хэлтэст үүрэг болгосон

“Автомашингүйгээр цэвэр агаарт хамтдаа” уриатайгаар хэрэгжиж байгаа Автомашингүй өдрийг угтсан 7 хоног 3 сарын 26-нд “Гарцаар гарах өдөр”-өөр үргэлжиллээ. Замын цагдаагийн газар, Замын хөдөлгөөний удирдлагын төв, Монголын сүрьетэй тэмцэх нийгэмлэгийн сайн дурынхан хотын төв хэсгийн гудамж, замын хөдөлгөөнд оролцогчид, зам хөндлөн гарч байгаа  иргэдэд тусалж, гарцаар гарахыг уриалсан байна

Автомашингүй өдөр болон Автомашингүй өдрийг угтсан 7 хоног 3 сарын 24-31-нд Улаанбаатар хотод зохион байгуулагдана. Энэ жилийн Автомашингүй өдөр нь “Автомашингүйгээр цэвэр агаарт хамтдаа” уриатайгаар хэрэгжиж байна

Нийслэлийн Удирдах ажилтнуудын шуурхай зөвлөгөөн 03 сарын 25-ны өдөр боллоо. Шуурхай зөвлөгөөнөөр өнгөрсөн 14 хоногийн нөхцөл байдлын талаар НЦГ, НЗЦГ, НОБГ-ын удирдлагууд мэдээлэл хийлээ.  НЦГ-ын мэдээллээр  2013 оны 03 дугаар сарын 08-21-ний өдрүүдэд иргэд, аж ахуйн нэгж, байгууллагаас гэмт хэрэг, зөрчлийн шинжтэй 18 497 мэдээлэл хүлээн авч, 706 гэмт хэрэг бүртгэгдсэн байна

2013 оны 3-р сарын 31-ний өдөр  уламжлалт  “Автомашингүй өдөр”-ийг  дөрөв дэх удаагаа зохион байгуулах гэж байна. Энэ удаад “Автомашингүй өдөр”-ийг угтаж “3орчих хөдөлгөөний 7 хоног” өдөрлөгийг “Автомашингүйгээр цэвэр агаарт хамтдаа” гэсэн уриатайгаар 2013-оны 3-р сарын 24-өөс 29-ны өдөр хүртэл явуулахаар болсноороо онцлог юм

Энэ сарын 31-ний өдөр буюу уламжлалт “Автомашингүй” өдрөөр “Баруун 4 зам”-аас “Зүүн 4 зам”-ын уулзвар, Бага тойруугийн Хувьсгалчдын өргөн чөлөө-Залуучуудын өргөн чөлөө, Сөүлийн гудамжны автозамын хөдөлгөөнийг 10:00-17:00 цагт хязгаарлана

Улаанбаатар хотын хэмжээнд Монголын Мянганы сорилтын сангаас / ММСС/ “Хашааны газрын өмчлөл ба эрхийн бүртгэлийн ажил” -ыг  өнгөрсөн оны 10-р сараас эхлэн  хэрэгжүүлсэн бөгөөд одоогоор  нийт 46,600 гаруй хашааны газрын хээрийн нарийвчилсан судлагааг хийн, иргэдийн газрын эрхийг баталгаажуулах шаардлагатай байгаа юм. Энэ ажлыг ММСС-ийн Хөрөнгийн эрхийн төслийн хүрээнд Улаанбаатар хотын Баянзүрх, Чингэлтэй, Сонгинохайрхан дүүргийн сонгогдсон хэсгүүдэд богино хугацаанд үр дүнтэй хэрэгжүүлж, иргэдэд газар өмчлүүлэх ажлыг эрчимжүүлэх зорилгоор нийслэлийн Засаг даргатай хамтран ажиллах  хамтын ажиллагааны санамж бичигт гарын үсэг зурлаа. Харилцан ойлголцлын санамж бичгийг Нийслэлийн Засаг даргын орлогч Н.Батаа, Монголын Мянганы сорилтын санг төлөөлж Монголын Мянганы сорилтын сангийн гүйцэтгэх захирлын үүргийг түр орлон гүйцэтгэгч Б.Батбаатар нар үзэглэсэн юм.

Нийслэлийн иргэдийн төлөөлөгчдийн хурлын 6/26 дугаар тогтоолоор батлагдсан нийслэлд хэрэгжүүлэх “Орон нутгийн өмчийн концесс”-ын зүйлийн жагсаалтыг хүргэж байна. Энэ жагсаалтад тусгагдсан төслүүдийг Нийслэлийн эдийн засгийн хөгжлийн газраас эхлэн хэрэгжүүлж байгаа юм

Нийслэлийн гэмт хэргээс урьдчилан сэргийлэх ажлыг зохицуулах зөвлөлийн ээлжит хурлаар  дулааны улирал ирж барилгын ажлууд эхлэх гэж байгаатай холбогдуулан Барилгын хөдөлмөр хамгаалал, аюулгүй ажиллагаа сэдэвт уулзалтыг зохион байгууллаа. Уулзалтад НЦГ, НМХГ, нийслэлийн Ерөнхий төлөвлөгөөний газар, Барилгын зөвөлгөө мэдээллийн төвийн удирдлагууд  болон барилгын захиалагч, гүйцэтгэгч компаниудын төлөөллүүд оролцсон юм.Уулзалтын эхэнд НЦГ, НМХГ-аас өнгөрсөн жил болон энэ оны эхний 2 сарын байдлаар барилгын салбарт гарсан гэмт хэрэг, осол аваарын дүн мэдээг танилцууллаа.