Нийслэлийн удирдах ажилтнуудын шуурхай зөвлөгөөнийг удирдсны дараагаар хотын дарга Г.Мөнхбаяр  холбогдох албан тушаалтнуудад үүрэг даалгавар өглөө.  Юуны урьдаар өвөлжилтийн бэлтгэл ажлыг эрчимжүүлэхийг санууллаа. Сургууль цэцэрлэгүүдийн засварын ажил 8 дугаар сарын 25 гэхэд дууссан байхыг орлогч дарга Ц.Цогзолмаад  даалгав.  Мөн  зам засварын ажил ч бас товлосон хугацаандаа буюу 8 дугаар 25  гэхэд цэгцрэх учиртайг хэллээ.  Одоо ид хийгдэж буй Гурвалжингийн гүүрийг 9 дүгээр сарын 1-нд биш 8 дугаар 25-нд дуусгаж зорчих хэсгийг ашиглалтад оруул гэж үүрэг болгосон. 
Энэ жил нийслэл хотын өнгө үзэмжинд эрс шинэчлэл хийгдэх тухай таатай мэдээлэл дуулгаж байна.  Явган хүний зам, гэрэлтүүлэгт эргэлт гарна гэж байна.

Мээрийн “хүүхдүүд” зусландаа амраад байна. Нийслэлийн Засаг дарга бөгөөд Улаанбаатар хотын захирагч Г.Мөнхбаярын санаачилгаар амьжиргааны түвшинээс доогуур орлоготой айл өрхийн 500 хүүхэд зусланд амраад байна.  Зуны зугаатай өдрүүдэд ийнхүү 500 хүүхэд баяр хөөхөөр дүүрэн өнжлөө. Хүүхдүүд ихэвчлэн зуслангийн 3, 4 дүгээр ээлжинд амарсан нь наадмын өмнөхөн таарч, багачуудад жинхэнэ эрүүл агаарт тухлах боломжийг олгосон гэлтэй. Хүүхдүүдийн амрах төсвийг Засаг даргын нөөц хөрөнгө болон зарим аж ахуй нэгжүүдийн туслалцаатайгаар шийдвэрлэсэн юм. Нийслэлийн хүүхдийн төлөө газрын дарга С.Алтанцэцэг “Энэ жилийн хувьд хотын ногоон бүсэд 15 хүүхдийн зуслан ажиллаж байна.  Эдгээр зусланд 7 хоног амрахын тулд нэг хүүхэд 85 мянган төгрөг төлөх ёстой.

Нийслэлийн Засаг дарга бөгөөд Улаанбаатар хотын Захирагч Г.Мөнхбаяр нийслэл,дүүргийн архитекторуудтай уулзлаа. Хотын өнгө царай хэрхэн яаж өөрчлөгдөхийг иргэд харж байгаа. Өөрөөр хэлбэл та бүхнийг  юу хийж, хотоо яаж төлөвлөж, зурж, урлаж байгааг нийслэлчүүд байнга харж байдаг. Тийм болохоор орчин үетэйгээ нийцсэн, дэлхийн жишигт хүрсэн шийдэл гаргахын төлөө эрмэлзэн ажиллах нь архитектор бүрийн үүрэг хэмээсэн. Мөн мээр шинээр баригдсан барилга бүр гадна эсвэл дотор талдаа усан оргилууртай байх ёстой шүү. Энэ ажлыг бодит болгох хүмүүс зөвхөн та нар гээд өчигдөрийн юм өнөөдөр өөрчлөгдөж буй энэ үед бидний мэддэг, хийдэг усан оргилуур ч өөрчлөгдсөн илүү гоё, зөв болж байгааг ажилдаа соргогоор тусгахийг үүрэг болголоо гэж Нийслэлийн Хэвлэл мэдээллийн албанаас мэдээллээ.

НЗДТГ-ын Санхүү, төрийн сангийн хэлтэс энэ оны төсвийн тодотголоор батлагдан Нийслэлийн засаг даргаас эрх нь шилжсэн хөрөнгө оруултын ажлын жагсаалтыг дүүргийн удирдлагуудад хүргүүлжээ.  Одоогийн байдлаар  нийслэлийн  8 дүүрэгт  нийт дүнгээрээ  63 нэр төрлийн ажил эрх шилжин хийгдэж эхлээд байна.  Эдгээрт нийслэлийн Хөрөнгө оруулалтын газар графикийн дагуу хяналт тавин ажиллаж байгаа юм байна.  Нийслэл, болон улсын төсвийн хөрөнгөөр энэ онд санхүүжих “Дүүргүүдэд эрх шилжүүлэн хэрэгжүүлэх” хөрөнгө оруулалтын явцаас дуулгахад Чингэлтэй дүүрэгт хороодын цогцолбор барилга баригдана.  Одоогоор зураг төсөв нь хийгдэж  байна.  Улсын төсвийн хөрөнгөөр Чингэлтэй дүүргийн 7, 8 дугаар хороонд 100 ортой хүүхдийн цэцэрлэг баригдана.  

Зун цагт их хотын иргэдийн алжаал тайлж, чөлөөт цагаа зөв боловсон өнгөрүүлэх газрын нэг бол усан оргилуур юм.  Энэ жил нийслэл, дүүргийн хөрөнгө оруулалтаар хийгдсэн 3 усан оргилуур байна. Өмнөх жилүүдэд хийгдсэн  нийт усан оргилуурын тоо 22 байдаг ажээ.  Үүнээс тогтмол ажиллагаатай нь 15. Мэдээж энэ бүхэн хангалттай үзүүлэлт биш болохоор хотын дарга шинэ барилга бүрийн орчны тохижилтод усан оргилуур нэхэж  буй юм.  Энэ дагуу Нийслэлийн барилга хот байгуулалт, төлөвлөлтийн газар баригдаж байгаа барилгуудыг батлагдсан зургаар ажил гүйцэтгэсэн эсэхэд хяналт  тавин ажилласан гэнэ. Үүрэг өгөгдснөөс хойшхи хугацаанд Клиникийн нэг, Баянзүрх дүүргийн гуравдугаар амаржих газрын шинээр баригдах барилга, нийслэлийн төвийн 6 дүүргийн спорт цогцолбор, жижиг дунд үйлдвэрлэлийг дэмжих төв гаднаа усан оргилуур байгуулж байгаа юм байна. 

Энэ сарын 25 гэхэд сургууль цэцэрлэгийн засвар, өргөтгөл шинэчлэлийн ажил дуусах ёстой талаар шуурхай зөвлөгөөн дээр  хөндөгдлөө.  Нийгмийн салбар дахь  хөрөнгө оруулалт, бүтээн байгуулалтын нийт 116 ажлаас  81 ажил дуусчээ. Үлдсэн ажил графикийн дагуу ид өрнөж буй юм байна. Одоогоор  21 дүгээр цэцэрлэгийн өргөтгөл, 75 дугаар цэцэрлэгийн барилга угсралт болон 19 байгуулагын их засварын ажил дуусчээ.  Эрүүл мэндийн салбарын засварын 10 ажлаас 8 нь бүрэн хийгдэж үлдэх ажлын гүйцэтгэл 90 хувьтай яваа ажээ.  Нийгмийн салбарын хөрөнгө оруулалт, бүтээн байгуулалтын чиглэлд өгсөн үүрэг даалгаварт газар чөлөөлөлтийн асуудлууд багтсан.  Нийслэлийн Газрын алба Баянзүрх дүүргийн нутаг дэвсгэрийн Монел, Монос, Алтан-Өлгий орчмын айлуудыг замын зураг масштабын алдаатай, шаардлага хангаагүйгээс шалтгаалан нүүлгэн шилжүүлж чадаагүй байна. 

Өнөөдрийн байдлаар нийслэлд үерийн аюултай бүсэд суурьшсан 3441 өрх бий.  Эдгээр өрх айлуудад нүүхийг сануулсан мэдэгдэл шаардлага хүргүүлсэн ч  үл тоомсорлож буйг дараахь тоо илтгэнэ. Өөрөөр хэлбэл  ХУД-т 6 өрх, СБД-т 6 айл нүүжээ.  Хэдийгээр хэвлэл мэдээллийн хэрэгслээр  иргэдэд сэрэмжлүүлэг өгч, түүнчлэн Онцгой, цагдаагийн албан хаагчид  хотын ойролцоох голуудад  завьтай эргүүл гаргасан ч иргэд амь насаа усанд алдсаар байгаад аль аль талдаа анхаарах ёстой болжээ.  Өнгөрсөн хугацаанд  нийслэлийн бүх дүүргүүдэд үерийн ус зайлуулах далан сувагт цэвэрлэгээ хийн нүхэн гарцуудыг онгойлгоод байна. Мөн тэндээс гарсан хог, лагшаасыг ачих ажилд  мэргэжлийн байгуулага болон хөдөлмөр эрхлээгүй иргэдийг татан оролцуулжээ. Энэ оны төсвийн тодотголоор болзошгүй үерийн аюулаас урьдчилан сэргийлэх байгууламжийг Баянзүрх, Сонгинохайрхан, Биокомбинатын  орчимд барихаар болсон. 

Нийслэлийн удирдах ажилтнуудын шуурхай зөвлөлгөөн өнөөдөр болж Нийслэлийн Засаг даргын зүгээс өгсөн өвөлжилтийн бэлтгэл ажлын биелэлтийг сонслоо.  Инженерийн хангамжийн байгуулага, дүүргүүдийн өвөлжилтийн бэлтгэл хангалтын байдлаас харахад Ус сувгийн удирдах газар 81 хувь, Цахилгаан дамжуулах сүлжээ ТӨХК 65 хувь,  УБ Цахилгаан түгээх сүлжээ ТӨХК 60 хувь,  Сууц өмчлөгдийн холбоо 60 хувь, УБ дулааны сүлжээ ХК 54,5, Орон сууц, нийтийн аж ахуйн салбар компаниуд 45 хувьтай байна. Дүүргүүдээс Баянзүрх 56 хувь, Налайх 55 хувьтай гэсэн мэдээлэл өглөө. Хотын хэмжээнд өвөлжилийн бэлтгэлийг урсгал засварын, техник технологийн зохион байгуулалт гэсэн 2 хэсэгт хуваан төлөвлөж байгаа аж. 
Өвөлжилтийн бэлтгэл ажлын хүрээнд баруун 4 замаас бөмбөгөрийн уулзвар хүртэлх дулааны шугамыг шинэчлэн ашиглалтад оруулснаар 7 дугаар хороолол, бага тойруугийн  халаалт доголдолтой газрууд жигдэрнэ.