Хууль зүй дотоод хэргийн сайдын 2005 оны 94 дүгээр тушаалын 1 дүгээр хавсралтын 4.1.1 дэх заалт, Нийслэлийн Иргэдийн Төлөөлөгчдийн хурлын 2012 оны 2\08 дугаар тогтоол, Нийслэлийн Засаг даргын 2013 оны А\67, А\769 дугаартай захирамжийг үндэслэн нийслэл хотын хэмжээнд Замын хөдөлгөөний дүрэм зөрчин бусдын хөдөлгөөнд саад учруулсан, хориглосон газар зогссон тээврийн хэрэгслийг зөөвөрлөн тусгай талбай, тээврийн хэрэгсэл түр саатуулах байранд  байрлуулдаг болсон.  Нийтийн эзэмшлийн зам, зорчих хэсгийн болон хориглосон тэмдэг, тэмдэглэлтэй газарт замын хөдөлгөөний дүрэм зөрчин зогссон, төрийн хамгаалалт, баяр ёслолын арга хэмжээний үеэр замын хөдөлгөөнд саад учруулсан, зам тээврийн ослын улмаас хөдлөх боломжгүй болсон, мөн согтууруулах ундааны зүйл хэрэглэн тээврийн хэрэгсэл жолоодсон жолоочийн тээврийн хэрэгслийг нийслэлийн Засаг даргын захирамжийн дагуу нийслэлийн Замын Цагдаагийн Газар нь зургаан байгууллагатай гэрээ байгуулан зөөвөрлөн ажиллаж байна.        

Нийслэлийн Аялал жуулчлалын газар, нийслэлийн Онцгой байдлын газар, нийслэлийн Эрүүл мэндийн газар хамтран өнөөдөр “Корпорейт-3” зочид буудалд гамшиг, аюулт үзэгдэл, техникийн холбогдолтой ослоос урьдчилан сэргийлэх үзүүлэх сургалтыг зохион байгуулах гэж байна. Сүүлийн жилүүдэд нийслэл хотод олон давхар барилга бүхий зочид буудал, үйлчилгээний газрууд цөөнгүй баригдах болсонтой холбогдуулан иргэд, жуулчдын аюулгүй байдлыг хангах, гал түймрээс урьдчилан сэргийлэх, байгалийн гамшгийн үед аврах ажиллагааг зохион байгуулах мэдлэг, мэдээллийг олгох нь чухал болж байна. 

Улаанбаатар хотын замын хөдөлгөөний хэт ачааллаас урьдчилан сэргийлэх, иргэдийн нийтийн тээврийн хэрэгслээр зорчуулах боломжийг нэмэгдүүлэх зарим арга хэмжээний тухай  НИТХ-ын тогтоол, нийслэлийн Засаг даргын захирамжийн дагуу 2012 оны 8 сараас эхлэн Таван шараас  Офицеруудын ордон хүртэлх замын зорчих хэсгийн нэгдүгээр эгнээгээр зөвхөн нийтийн тээврийн үйлчилгээний их багтаамжийн автобус, троллейбус, стандартын шаардлага хангасан такси, ажилчдын болон хүүхдийн автобус зорчдог болсон. Энэхүү шийдвэр гарснаар нийтийн тээврийн их багтаамжийн автобусны эргэлтийн хугацаа ойртож, 40-45 минут зорчдог байсан газарт 30-35 минутад зорчих боломжтой болсон гэж нийслэлийн Тээврийн газраас мэдээлж байна. 

Нийслэлийн Засаг даргын захирамжаар нийслэлийн төсвийг бүрдүүлэх, холбогдох хууль тогтоомжийн хэрэгжилтийг хангах зорилгоор нийслэл Улаанбаатар хотод бүртгэлтэй бүх автотээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах ажлыг 2014 оны 03 дугаар сарын 20-ны өдрөөс эхлэн 2 үе шаттай зохион байгуулж эхлээд байна. Татвар, төлбөр хураах ажил 5 дугаар сарын 31-нд дуусах бол, албан татвар, төлбөрөө хуулийн хугацаанд төлөөгүй тээврийн хэрэгсэл эзэмшигч эзэмшигч иргэн, аж ахуйн нэгж, байгууллагын дутуу төлөлтийг барагдуулах, хариуцлага тооцох эрчимжүүлсэн хяналтын үзлэг, шалгалтыг 2014 оны 06 дугаар сарын 10-наас эхлэн 06 дугаар сарын 24-ныг хүртэл зохион байгуулна.

Яармагийн гүүр-Нисэх, Нисэхийн товчоо, Сонсголонгийн уулзвараас Яармагийн товчоо чиглэлийн 13.7 км авто замын өргөтгөл, шинэчлэлтийн ажил 2012 оноос хэрэгжиж байгаа юм. Тус зам барилгын ажлын хүрээнд Нүхт цогцолбор руу салдаг уулзвараас Сонсголонгийн ууулзвар хүртэлх 3 км авто замын хойд урсгалыг 2014 оны 05 дугаар сарын 18-наас 06 дугаар сарын 07-ны өдөр хүртэл хааж, замын хөдөлгөөнийг урд урсгалаар сөрөг хөдөлгөөнтэй зохион байгуулахаар боллоо.  

Нийслэлийн Засаг даргын санаачилгаар хотын захиргаа “Улаанбаатар төмөр зам” Хувь Нийлүүлсэн Нийгэмлэгтэй хамтран Улаанбаатар хотын дундуур дайран өнгөрч буй төмөр замыг чөлөөт цагаар нь хүн тээвэрт ашиглах, зориулалт бүхий RAILBUS-ыг Амгалан-Толгойтын чиглэлд 6-р сарын 6-наас эхлэн үйлчилгээнд оруулахаар харилцан тохирцолсон юм. Энэ хүрээнд өнөөдөр нийслэлчүүд ОХУ-ын “Трансмаш холдинг” компаний  РА-2 маркийн хоёр ширхэг “Railbus”-ийг хүлээн авлаа.

Энэ амралтын өдрүүдэд Энхтайваны өргөн чөлөөнд МУБИС-ийн уулзвараас зүүн тийш Багшийн хөгжил төвийн зүүн талын эргэлт хүртэлх туслах зам, Залуучуудын өргөн чөлөөнд Тэнгис кино театрын замын хойд урсгал,  Дарь-Эхийн уулзварын замуудыг түр хугацаанд хаахаар боллоо. МУБИС-ийн уулзвараас зүүн тийш Багшийн хөгжил төвийн зүүн талын эргэлт хүртэлх туслах замыг 2014 оны 05 дугаар сарын 16-ны 22:00 цагаас 06 дугаар сарын 15 хүртэл 1 сарын хугацаатай хааж, дулааны шугам солино. Харин Тэнгис кино театрын зүүн урд талд борооны ус зайлуулах шугам солих тул замын хойд урсгалыг 2014 оны 05 дугаар сарын 17-ны 22:00 цагаас 05 дугаар сарын 18-ны 09:00 цаг хүртэл хаах юм.

Автотээврийн болон өөрөө явагч хэрэгслийн  албан татвар, агаарын бохирдлын төлбөр, автозам ашиглсаны төлбөр хураах ажил 5 дугаар сарын 31-нд дуусна. Тээврийн хэрэгслийн татвар, төлбөр хураах ажлыг иргэдэд аль болох чирэгдэлгүй хүргэх зорилгоор дүүрэг бүрт нэг цэгийн үйлчилгээ ажиллуулж байгаа бөгөөд нийслэлийн хэмжээнд 25 байршилд нэг цэгээр үйлчилгээ үзүүлж байна. 

Нийслэлийн Аялал жуулчлалын газар, нийслэлийн Жижиг, дунд үйлдвэрийг дэмжих төв хамтран “Гар урлал ба борлуулалтын менежмент” сургалтыг зохион байгууллаа. Гар урлалын бүтээгдэхүүний өрсөлдөх чадварыг нэмэгдүүлэх, бэлэг дурсгалын үйлдвэрлэл эрхэлдэг байгууллага болон иргэдийг аялал жуулчлалын үйл ажиллагаанд идэвхтэй оролцуулах, аялал жуулчлалын салбараас иргэд шууд ашиг хүртэх боломжийг нэмэгдүүлэх зорилгоор бүтээгдэхүүний чанар, дизайн, хаяг, шошго, тайлбар, түүхий эд, сав баглаа боодлыг жуулчдын хэрэгцээнд нийцүүлэх, сайжруулах чиглэлээр сургалтууд явагдаж, 

Нийслэлийн Засаг даргын 2013 оны А/81 дүгээр захирамжаар батлагдсан нийслэл хотын гол болон туслах гудамж, замуудын техник ашиглалтын түвшин тогтоох, паспортжуулах ажлын хүрээнд 4 гүүрийн техник ашиглалтын ажлын судалгаа, туршилт хийж байна. Гүүрийн хөдөлгөөнийг бүтэн хааж, динамик ба статик туршилт явуулах тул  2014 оны 05 дугаар сарын 18-ны 04:00-05:00 цагийн хооронд Толгойтын замд Нарангийн голын гүүрийг хаах юм. Тодруулбал, 107 дугаар дунд сургуулийн зүүн урд талын гүүрийг ням гарагт 1 цагийн турш хааж туршилт хийнэ.

Нийслэлийн дүүргүүдийн ил задгай хог хаягдлыг багасгах зорилгоор төрийн бус байгууллагууд хог хаягдлын тээвэрлэлтэд хяналт тавьж эхэллээ. Хяналтыг “Хотын хөгжлийг дэмжих Шинэ тосгон холбоо”, “Бид судлаачид” ТББ хариуцан ажиллаж байгаа юм байна. Тус холбоодоос нийслэлийн төвийн зургаан дүүргийн хог хаягдлын тээвэрлэлтэд  4-р сард хяналт хийж, дүнгээ Захиарагчийн ажлын албанд танилцуулжээ. Мөн хяналтын байгууллагууд хог үүссэн газруудын талаарх мэдээллийг дүүрэг хороодын ажил хариуцсан мэргэжилтнүүдэд баримтжуулан өгч, ачсан эсэхэд эргэн хяналт тавьжээ. 

Жил бүрийн 5-р сард улс орон даяар “Татвар төлөгчдийн өдрүүд”-ийг  зохион байгуулдаг. 15 дахь жилдээ зохион байгуулж байгаа энэхүү өдрийг энэ жил “Татвар төлөгч танд баярлалаа” уриан дор тэмдэглэж байгаа юм. Энэхүү өдөртэй холбоотойгоор  Монгол орны эдийн засагт эрчимтэй хөгжлийг авчирч, бүрэн эрхэт улсын тусгаар тогтнол, аюулгүй байдал, ард түмний соёл боловсрол, ахмад үеийнхний халамж, иргэдийн эрүүл мэндийн үйлчилгээг санхүүгийн найдвартай эх үүсвэрээр хангахад оруулсан хувь нэмрийг үнэлэн 2013 оны шилдэг татвар төлөгч аж ахуйн нэгж, байгууллага, иргэдийг шалгарууллаа

Орон сууц нийтийн аж ахуйг удирдах газар болон салбар компаниуд Ус сувгийг удирдах газрын бүтэц зохион байгуулалтад өөрчлөлт хийхтэй холбогдуулан Улаанбаатар хотын Захирагчийн ажлын албанаас нэгдсэн уулзалт зохион байгууллаа. Уулзалтаар Эрчим хүчний зохицуулах хорооны Үнэ тарифын бодлого зохицуулалтын хэлтсийн дарга М.Мөнхтулга, Хэрэглэгчдэд үйлчлэх төвийн менежер Б.Өнөрцэцэг, “Улаанбаатар цахилгаан түгээх сүлжээ” ТӨХК-ний дарга С.Төмөрхүү, “Улаанбаатар дулаан түгээх сүлжээ” ТӨХК-ний дарга Р.Хайдав нар илтгэл тавьсан.

Улаанбаатар хотын гудамж,  тодруулбал 25-р эмийн сангийн орчимд зам талбай цэвэрлэж байгаа Америк бүсгүй Жесси Берка нь Америкийн “Bates” коллежид биологи, орчны судалгааны чиглэлээр суралцдаг юм. Америкийн их дээд сургууль, коллежийн оюутнуудын хамрагддаг “World learning” хөтөлбөрийн хүрээнд оюутнууд Ази номхон далай, Латин Америк, Европын 60 гаруй оронд гурван сарын хугацаанд амьдарч, хэл соёл, зан заншил, ахуй амьдралтай танилцах боломжтойгоос гадна өөрийн суралцаж байгаа чиглэлийн хүрээнд эрдэм шинжилгээ, судалгааны ажил хийж болдог байна.

Нийслэлийн Засаг даргын 2014 оны 2 дугаар сарын 17-ны өдрийн А/97 тоот захирамжаар Ерөнхий боловсролын сургуулийн сурагчдыг нэгдсэн журмаар тээвэрлэх, хяналт тавихыг холбогдох байгууллагуудад үүрэг болгосон юм. Тиймээс Нийслэлийн Тээврийн газраас санаачилан Зам, тээврийн яам, Механик инженерийн сургууль, Замын цагдаагийн газартай хамтран хүүхдийг тээвэрлэлтийн нөхцөл, техникийн шаардлага хангасан автобусаар тав тухтай, аюул, осолгүй тээвэрлэх шаардлагыг тогтоох зорилгоор “Хүүхэд тээвэрлэх автобус, Автобус ба үйлчилгээнд тавих шаардлага” стандартыг боловсруулж батлуулжээ. Энэхүү стандарт нь 9 бүлэг, 89 заалттай.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл өнөөдөр  МУИС-ийн Улаанбаатар сургуулийн үйл ажиллагаатай танилцлаа. Тус сургууль нь 1992 онд технологийн сургууль нэртэйгээр байгуулагдаж 1995 онд Шинжлэх ухаан боловсролын сайд болон нийслэлийн Засаг даргын хамтарсан тушаал, захирамжаар Улаанбаатар хотын Их сургууль болон өргөжсөн байна. Харин 2010 оны Засгийн газрын тогтоолоор Улаанбаатарын их сургуулийг МУИС-ийн харьяанд нэгтгэжээ. Энэ нь нь тус сургуулийн үйл ажиллагааг доголдуулахад хүргэсэн төдийгүй МУИС-ийн Улаанбаатар сургууль хэмээн өөрчлөгджээ.

Баянгол дүүргийн 4 дүгээр хорооны нутаг дэвсгэрт Шүүхийн гудамжны 1 км авто замыг шинэчилж байгаа юм. Энэхүү ажлыг “Монгол Сата интернэшнл” ХХК гүйцэтгэж байгаа бөгөөд замын ажлын хүрээнд зам сэтлэн, борооны ус зайлуулах шугамын холболт хийхээр П.Жасрайн нэрэмжит гудамж буюу Төмөр замын эмнэлгийн уулзварыг  2014 оны 5 дугаар сарын 10-ны 23:00 цагт хаасан юм. 

2014 оны 05 сарын 09-ний өдөр Улаанбаатар хотод орсон их  хэмжээний цас хайлж, явган зорчигч болон жолооч нарт хүндрэл үүсгээд байсан юм.  Тиймээс  Нийтийн үйлчилгээний “Улаанбаатар нэгтгэл” ОНӨААТҮГ-аас бохир ус соруулах таван машин, хоёр насос, 25 хүний бүрэлдэхүүнтэй бригад ажиллаж