Шилдэг дүүрэг, хороо,гудамж, зам талбайн үйлчлэгч нар тодорлоо
Нийслэлийн 375 жилийн ойг тохиолдуулан “Хотын гудамж-Миний нутаг” нэгдсэн арга хэмжээг зохион байгууллаа. Энэхүү арга хэмжээний үеэр Улаанбаатар хотын Захирагчийн ажлын албанаас Шилдэг тохижилттой дүүрэг, аж ахуйн нэгж байгууллага, Шилдэг арчлагч байгууллага, аж ахуйн нэгж, Тэргүүний цэцэрлэгчийг шалгаруулж, “Хоггүй хороо-Хоггүй гудамж” болзолт уралдааныг дүгнэн шагнаж урамшууллаа.
“Хоггүй хороо-Хоггүй гудамж” болзолт уралдаанд Хан-Уул дүүргийн “Тохижилт үйлчилгээний төв” ОНӨААТҮГ тэргүүн байр, Чингэлтэй дүүргийн “Чингэлтэй тохижилт үйлчилгээ” ХХК хоёрдугаар байр, Баянзүрх дүүргийн “Нийтлэг үйлчилгээний газар-2”гуравдугаар байр эзэллээ. Мөн зам талбайн үйлчлэгч, ачигч,  жолооч нийт 22 хүн “Хоггүй хороо-Хоггүй гудамж” болзолт уралдааны шилдэг ажилтнаар шалгарсан юм.   
2014 -оны 10 -р сарын 13
1495
ДЭЛГЭРЭНГҮЙ
Бээжингийн гудамж хугацаанаасаа сарын өмнө буюу 10 сарын 27-ны өдөр бүрэн ашиглалтад орно

Нийслэлийн Засаг Дарга бөгөөд Улаанбаатар хотын захирагч Э.Бат-Үүл өнөөдөр нийслэлд хийгдэж байгаа  замын ажлын явцтай биечлэн танилцлаа. Хамгийн түрүүнд саяхан зорчих хэсгээ нээсэн БНХАУ-ын буцалтгүй тусламжаар хийгдэж байгаа Бээжингийн гудамжны ажилтай танилцсан юм. Тус гудамжны 0,9 км замын ажил 90 хувийн гүйцэтгэлтэй,  74 метр урт гүүрбарих ажил үргэлжилж байна. Цаг агаар хүндрэхгүй  бол тус замыг 10 дугаар сарын 27-нд хүлээлгэн өгөхөөр төлөвлөж байна.Гэрээнд зааснаар бол 11 дүгээр сарын 31-нд дуусах байсан ч сарын өмнө хүлээлгэн өгөх гэж  байгааг гүйцэтгэгч компанийн зүгээс онцоллоо.
Төмөр замын урдуурх хэвтээ тэнхлэгийн гол зам Дүжингарав захаас Улиастайн замын уулзвар хүртэлх 6 км хоёр эгнээтэй 14 метр өргөнтэй замын ажил энэ сарын 15-нд дуусах төлөвлөгөөтэй байсан ч хугацааг сунгаж, 10-р сарын 25-нд хүлээлгэн өгөхөөр болжээ. Явган хүний зам, 3 метр өргөн дугуйн зам, гэрэлтүүлэг, борооны ус зайлуулах шугамын ажлыг давхар хийж байна. Энэ зам ашиглалтад орсноор хотын зүүн чиглэлийн урсгалд голлох нөлөө үзүүлэх юм.
2014 -оны 10 -р сарын 10
1576
ДЭЛГЭРЭНГҮЙ
“Улаанбаатар” Олон улсын кино наадам-2014 эхэллээ
“Улаанбаатар” Олон Улсын кино наадам-2014залуу найруулагч Л.Таванбаярын “Хүдэн” киногоор нээлтээ хийлээ. Соёл, спорт, аялал жуулчлалын яам, Нийслэлийн Соёл урлагийн газар, Туркийн Элчин Сайдын яам, Монголын Урлагийн зөвлөл болон Монголын Кино урлагийн зөвлөл хамтран кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон кинонуудыг Монголын үзэгчдэд хүргэх зорилготой тус кино наадамд Ази, Америк, Европын 10 гаруй найруулагч, продюссер, уран бүтээлч, олон улсын нэр хүндтэй кино наадмын зохион байгуулагч оролцож байна.
2014 -оны 10 -р сарын 9
1493
ДЭЛГЭРЭНГҮЙ
Улаанбаатар хотын байршлын мэдээлэл цахим болно
Нийслэлийн Мэдээллийн Технологийн Газар, Дэлхийн Банк, ШУТИС-КТМС сургууль, хүмүүнлэгийн OSM-Humanitarian багтай хамтран 2013 оны 10–р сард Улаанбаатар хотод OpenStreetMap төслийг хэрэгжүүлж эхэлсэн бөгөөд төслийн 2 дахь  шат 2014 оны 10 сараас эхлэх гэж байна.
2014 -оны 10 -р сарын 9
3001
ДЭЛГЭРЭНГҮЙ
Хороодыг шилэн кабельд холбох ажил үргэлжилж байна
Монгол Улсын Ерөнхийлөгчийн санаачилсан “Том төрөөс – Ухаалаг төр рүү” санаачилгыг нийслэлд хэрэгжүүлэх ажлын хүрээнд “Ухаалаг Улаанбаатар” хөтөлбөрийг боловсруулж НИТХ-аар батлуулсан.
2014 -оны 10 -р сарын 9
1379
ДЭЛГЭРЭНГҮЙ
Нийслэлийн Засаг дарга аж ахуйн нэгжүүдэд хандан уриалга гаргалаа
Нийслэлийн  375 жилийн ойг угтаж "Их хотын хямдралтай худалдаа”-г 2 дахь жилдээ зохион байгуулах гэж байна. Энэхүү худалдаанд оролцох 90 гаруй аж ахуйн нэгжийн захирлуудыг өнөөдөр Нийслэлийн Засаг дарга Э.Бат-Үүл, Улаанбаатар хотын  Ерөнхий менежер Б.Бадрал, Засаг даргын орлогч нар, Захирагчийн ажлын албаны Хүнс  худалдаа үйлчилгээний хэлтсийн дарга О.Нарантуяа нар хүлээн авч уулзлаа.
2014 -оны 10 -р сарын 9
1546
ДЭЛГЭРЭНГҮЙ
"Хотын гудамж - Миний нутаг" өдөрлөгийн үеэр Анкарагийн гудамжны замын хөдөлгөөнийг түр хаана
Нийслэлийн 375 жилийн ойг тэмдэглэн өнгөрүүлэх арга хэмжээний хүрээнд “Хотын гудамж – Миний нутаг” өдөрлөгийг Чингэлтэй дүүрэг, Бага тойруу, Анкарагийн гудамжинд 2 дахь жилдээ зохион байгуулах гэж байна.
2014 -оны 10 -р сарын 9
677
ДЭЛГЭРЭНГҮЙ
Гэр хорооллын дахин төлөвлөлтөд хамрагдсан эхний айлууд энэ сарын 15-нд шинэ байрандаа орно
УИХ-аар батлагдсан “Улаанбаатар хотыг 2020 он хүртэл хөгжүүлэх хөгжлийн хөтөлбөр, 2030 он хүртэл чиг хандлага”-ын баримт бичиг, нийслэлийн Засаг даргын 2013-2016 оны үйл ажиллагаа хөтөлбөрт тусгагдсаны дагуу, НИТХ-аас тогтоосон 21 байршилд Гэр хорооллын дахин төлөвлөлтийн төслийн ажил эхлээд жил гаруй болж байна.
2014 -оны 10 -р сарын 8
1034
ДЭЛГЭРЭНГҮЙ
Эцэг эх нь журамд заасан хугацаанаас өмнө нийслэлд суурьшсан бол шинээр төрсөн хүүхэд газар өмчлөх эрхтэй
“Нийслэлийн Иргэдийн Төлөөлөгчдийн 2013 оны 10/39 дүгээр тогтоолоор “Нийслэлийн иргэдэд гэр бүлийн хэрэгцээний зориулалтаар газар өмчлүүлэх үйл ажиллагааны иргэдээс өргөдөл хүлээн авах, бүртгэх, сонголт хийх үе шатны ажлуудыг цахим хэлбэрээр зохион байгуулах журам”-ыг баталж, сонгогдсон 52 байршлын эхний 5 байршилд газар олгох ажил эхэлсэн.
2014 -оны 10 -р сарын 8
1010
ДЭЛГЭРЭНГҮЙ
Нарангийн энгэрт барилгын хог боловсруулах үйлдвэр барина
Улаанбаатар хотод барилгын хог хаягдал дахин боловсруулах үйлдвэрийн шав тавих ёслолын ажиллагаа Нарангийн энгэрийн хогийн цэгт боллоо. БНСУ-ын 100 хувийн хөрөнгө оруулалттай  үйлдвэрийн ёслолын ажиллагаанд хотын Ерөнхий менежер Б.Бадрал, байгаль орчны чиглэлээр ажилладаг холбогдох байгууллагууд Солонгосын төлөөлөгчид оролцсон. Энэхүү үйлдвэр нь 1500-2000 тонн хогийг дахин боловсруулах хүчин чадалтай бөгөөд барилгын хогийг 5 мм хүртэл буталж, шигшин угааж, хатаан 0.7мм хүртэл тээрэмдэж үндсэн түүхий эдээ гарган авах юм.
2014 -оны 10 -р сарын 6
1456
ДЭЛГЭРЭНГҮЙ
Нийслэлийн нийтийн тээврийг шинэчлэхэд Дэлхийн банк хамтарна
Улаанбаатар хот, Дэлхийн банкны түншлэлийг бэхжүүлэх 2 дахь уулзалт болж, Улаанбаатар хотыг 2020 он хүртэл хөгжүүлэх Ерөнхий төлөвлөгөөнд тусгагдсан  нийслэлийн сургууль цэцэрлэг, эмнэлгийн хүртээмжийн асуудал, нийтийн тээврийн шинэчлэл, гэр хорооллын дахин төлөвлөлт, нийслэлийн тохижилт үйлчилгээ, эрчим хүчний хэмнэлт, газар, иргэний бүртгэлийн ажилд  шаардлагатай хөрөнгө оруулалтын  талаар хэлэлцлээ.  Уулзалтад Нийслэлийн Засаг дарга Э.Бат-Үүл, Засаг даргын тамгын газрын дарга Ё.Гэрэлчулуун, Улаанбаатар хотын ерөнхий менежер Б.Бадрал болон нийслэлийн Удирдлагын зөвлөлийн гишүүд, Дэлхийн банкны хот байгуулалт, эрсдэлийн асуудал хариуцсан менежер Абхас Жха,  хотын ядуурал хариуцсан мэргэжилтэн Гаяатри Синхболонтус банкны бусад салбарын төлөөлөл оролцсон юм.Дэлхийн банкны зүгээс Нийслэлийн иргэдэд үзүүлж буй үйлчилгээний орон зайн хүртээмж болон санхүү, үнэ өртөгт хийсэн судалгааны урьдчилсан дүгнэлтийг танилцууллаа.
2014 -оны 10 -р сарын 6
1275
ДЭЛГЭРЭНГҮЙ
Нийслэлийн Засаг дарга Э.Бат-Үүл Москва хотын даргатай уулзлаа
Нийслэлийн Засаг дарга бөгөөд Улаанбаатар хотын Захирагч Э.Бат-Үүл Москва хотын дарга Сергей Собянинтай уулзлаа. Хотуудын дарга нар  хагас зүүн жилийн түүхтэй найрамдалт хотуудын харилцааг цаашид бататгаж,  2015-2017 онд Нийслэлийн Засаг даргын Тамгын газар, Москва хотын захиргаатай хамтран ажиллах  гэрээ байгуулахаар тохиролцов.
2014 -оны 10 -р сарын 3
1635
ДЭЛГЭРЭНГҮЙ
Бээжингийн гудамжны хөдөлгөөнийг 10-р сарын 06-нд нээнэ
БНХАУ-ын Засгийн газрын буцалтгүй тусламжаар хэрэгжүүлж байгаа Бээжингийн гудамжны 0.9 км автозам, 74 у/м гүүрийн өргөтгөл, шинэчлэлтийн ажил үргэлжилж байна. 9-р сарын 22-ны өдрөөс ШУТИС-ийн уулзвараас зүүн тийш автозамын хөдөлгөөнийг бүрэн хааж өнгө асфальт бетон хучилт, тэмдэг тэмдэглэгээ хийсэн.
2014 -оны 10 -р сарын 2
1463
ДЭЛГЭРЭНГҮЙ
Нийслэлийн 25 байршилд төмс хүнсний ногооны үзэсгэлэн худалдаа гарлаа
“Хүнсний гол нэрийн бараа, бүтээгдэхүүний үнийг тогтворжуулах” дэд хөтөлбөрийн хүрээнд Улаанбаатар хотын Захирагчийн ажлын алба, Нийслэлийн Үйлдвэр, Хөдөө аж  ахуйн газар, төрийн болон төрийн бус байгууллагууд хамтран “Алтан намар-2014” төмс, хүнсний ногооны өргөтгөсөн үзэсгэлэн худалдааг  2014 оны 08 дугаар сарын 15-ны өдрөөс эхлэн нийслэлийн төвийн 6 дүүргийн 25 байршилд зохион байгуулж эхлээд байна. Шинэ ургацын төмс, хүнсний ногооны худалдаа гарч буй байршлуудыг доорхи хүснэгтээс харна уу 
2014 -оны 9 -р сарын 5
1526
ДЭЛГЭРЭНГҮЙ
Нийслэлд үйлдвэрлэл технологийн парк байгуулах тухай хэлэлцэнэ
НИТХ-ын Тэргүүлэгчдийн ээлжит хуралдаан 2014 оны 9 сарын 08-нд болно. Хуралдаанаар , Хүүхдийн хөгжлийн төв, Ахмадын сувилалыг концессын гэрээгээр барих зөвшөөрөл олгох тухай,  Нийслэлийн нутаг дэвсгэрт цацрагийн аюулгүй байдлыг хангах хөтөлбөр батлах тухай, Хан-Уул дүүрэгт Хөнгөн үйлдвэрийн үйлдвэрлэл технологийн парк байгуулах, Налайх дүүрэгт Барилгын материалын үйлдвэрлэл технологийн парк байгуулах тухай зэрэг асуудлыг хэлэлцэнэ.
2014 -оны 9 -р сарын 5
1095
ДЭЛГЭРЭНГҮЙ
Хогны уутыг ус түгээх байр, дэлгүүрээс авч болно
Хог хаягдлын менежментийг сайжруулах ажлын хүрээнд нийслэлийн 152 хорооны айл өрхүүдэд 2014 оны 09 дүгээр сарын 01-нээс  хогны уутыг талоноор олгохоор болсон. Энэ ажлын хүрээнд талоныг хэвлүүлэн, дүүрэг, хороодод хүн амын батлагдсан тоогоор хүргүүлсэн байна.  Одоогоор дүүргээс хороодод хогны уутны талоныг хүргэж, хэсгийн ахлагч нар айл өрхүүдэд тарааж эхэлжээ.  Баянгол дүүрэг 52 406 айл өрхөд 209.624 хогны уутны талон олгохоос одоогоор 60-70 хувийг тарааж дууссан байна. 
2014 -оны 9 -р сарын 4
924
ДЭЛГЭРЭНГҮЙ
Баянзүрхийн товчооноос Богд уулын араар Яармагийн гүүр хүртэлх авто замыг нээлээ
"Шинэ бүтээн байгуулалт” дунд хугацааны зорилтот хөтөлбөрийн хүрээнд Монгол Улсын Хөгжлийн банкны санхүүжилтээр  2012 оны 6 дугаар сарын 25-наас 2014 оны 9 дүгээр сарын 01-ний хооронд гэрээ байгуулан хэрэгжүүлж байгаа Баянзүрхийн товчооноос Богд уулын араар Яармагийн гүүр хүртэлх 17.6 км авто замын барилгын ажлыг “ЭСТО” ХХК 95 хувьтай гүйцэтгэж  байна.

Барилгын ажлын явцад өдөр тутмын ажлын зөвлөхийн хяналтыг “Монконсалт” ХХК хийж байгаа юм. Тус авто зам нь Баянзүрхийн товчооноос Яармагийн гүүр хүртэл  17.6 км үргэлжлэх бөгөөд  8 м өргөн зорчих хэсэгтэй, хоёр талдаа тус бүр 1.5 м өргөн хөвөөтэй, 70 цэгт хиймэл байгууламж, төмөр зам дээгүүр гарсан 24.7 у/м хүчитгэсэн төмөрбетон гүүр, 19 у/м ган дам нуруут гүүр, суурьшлын бүс буюу Зайсан орчимд 1.2 км хэсэгт гэрэлтүүлэгтэй, огцом эргэлтүүд ихтэй учир 6 760 м замд  аюулгүйн туузан хашилттай байхаар төлөвлөгдсөн зам юм.

Одоогийн байдлаар газар шороо, хиймэл байгууламж, суурь болон өнгө асфальтбетон хучилтын ажил бүрэн дууссан.  Туузан хашилт 2500 у/м хэсэгт хийгдэж, босоо болон хэвтээ тэмдэглэгээ дуусах шатандаа байгаа бөгөөд авто замын хөдөлгөөнийг бүрэн нээгээд байна гэж Нийслэлийн Автозамын газраас мэдээллээ.
2014 -оны 9 -р сарын 4
1264
ДЭЛГЭРЭНГҮЙ
Нисэх-Яармагийн замыг энэ сард ашиглалтад өгөхөөр ажиллаж байна
Улсын төсвийн хөрөнгө оруулалтаар хэрэгжиж буй Яармагийн гүүрнээс Нисэх-Нисэхийн товчоо, Сонсголонгийн уулзвараас Яармагийн товчоо хүртэлх 13.7 км авто замын ажлын явц 90 хувьтай үргэлжилж байна. Замын нийт  уртад суурь хучилт, 9 км замд өнгө хучилт, 10 км замын хоёр хажуугаар явган хүний зам хийгээд байна. 2012 оноос он дамжин баригдаж байгаа энэхүү замыг 9 дүгээр сардаа багтаан ашиглалтад өгөхөөр ажиллаж байгаа юм.
2014 -оны 9 -р сарын 4
1043
ДЭЛГЭРЭНГҮЙ
Халх голын байлдаанд оролцож явсан ахмад дайчин Ц.Лувсандоржид хүндэтгэл үзүүллээ
Халх голын байлдааны түүхт ялалтын 75 жилийн ойг тохиолдуулан  ахмад дайчин Ц.Лувсандоржид нийслэлийн Засаг дарга бөгөөд Улаанбаатар хотын Захирагч Э.Бат-үүл хүндэтгэл үзүүлллээ. Ц.Лувсандорж гуай өдгөө 94 насыг зооглож байгаа бөгөөд 1939 оны Халхын голын байлдаанд оролцож, эх орныхоо эрх чөлөө тусгаар тогтнолын төлөө амь биеэ үл хайрлан тэмцэж явсан байна. 
2014 -оны 9 -р сарын 4
1183
ДЭЛГЭРЭНГҮЙ
Спорт явган аялалын шигшээ тэмцээн болно
Жил бүр уламжлал болгон зохион байгуулдаг нийслэлийн Иргэдийн спортын гуравдугаар наадам Улаанбаатар хотноо болж байна.  Наадмыг хороодын хэсгийн тэмцээн, хороодын сонгон шалгаруулах тэмцээн, дүүргийн бүсийн тэмцээн, дүүргийн аварга шалгаруулах Нийслэлийн аварга шалгаруулах гэсэн 5 үе шаттай нийслэлийн иргэдийн дунд зохион байгуулж байна.
2014 -оны 9 -р сарын 4
1098
ДЭЛГЭРЭНГҮЙ