Сүрьеэгээр өвдсөн иргэн эмчилгээнд хамрагдахдаа эмч, эмнэлгийн ажилтан, сайн дурын идэвхтэний зайлшгүй хяналтан дор эм бэлдмэлийг ууж хэрэглэдэг. Тэгвэл энэ хүрээнд техник технологийн дэвшлийг ашиглан Skype application ашиглан эмч, эмнэлгийн ажилтан алсын зайнаас өвчтөнтэйгээ шууд харилцан, эмчилгээний хяналтан дор эмийг нь уулгах болон зөвлөгөө өгч ажиллаж эхэллээ.

БОАЖЯ-ны дэмжлэгтэйгээр Монголын Байгаль орчны иргэний зөвлөл, Нийслэлийн Байгаль орчны газраас хүрээлэн буй орчны гэмт хэргийн нөхцөл байдлыг тодорхойлох, хяналт шалгалт хийх стандарт, ашиг сонирхлын зөрчлөөс урьдчилан сэргийлэх нь сэдвүүдийн хүрээнд мэдлэг мэдээлэл олгох сургалтыг Цэнгэг усны нөөц, байгаль хамгаалах төвд зохион байгууллаа.

Тээврийн хэрэгслийн нэгдсэн цахим үйлчилгээний https://smartcar.mn/ системээр дамжуулан олон төрлийн үйлчилгээг нэг дороос авах боломжтой болсон билээ. Энэ удаад жолооч та бүхэнд Ачиж журамлагдсан тээврийн хэрэгслийн мэдээллийг цахим систем, аппликэйшнаар харуулах үйлчилгээг ашиглалтанд оруулахаар ажиллаж байна. Тус үйлчилгээг 2019 оны 06 сарын 10-ны өдрөөс эхлэн ашиглалтад оруулахыг нийслэлийн Инноваци, технологийн асуудал хариуцсан төслүүдийн удирдагч М.Халиунбат үүрэг болголоо.

Монгол Улсад такси үйлчилгээ анх үүсэж хөгжсөнөөс хойш 60 гаруй жил өнгөрчээ. Эдүгээ Улаанбаатар хотод албан ёсны бүртгэлтэй такси үйлчилгээ эрхэлж буй 10 компанийн 600 орчим такси байна. Эдгээр байгууллагууд “Таксийн үйлчилгээ. Ерөнхий шаардлага” MNS 5122:2013 стандартыг мөрдөн ажиллаж 1.5 сая хүн амтай их хотын завгүй иргэдэд түргэн шуурхай, найдвартай үйлчилгээг үзүүлж байна.

Нийслэлийн удирдах ажилтнуудын улиралд нэг удаа зохион байгуулдаг өргөтгөсөн шуурхай зөвлөгөөн өчигдөр Соёлын төв өргөөнд боллоо. Зөвлөгөөний үеэр нийслэлийн нутаг дэвсгэрт иргэдийн эрүүл, аюулгүй орчинд амьдрах эрхийг ханган газар ашиглалтыг сайжруулах, явган хүний зам талбайн хүрэлцээ хангамжийг нэмэгдүүлэх, авто замын түгжрэлийг бууруулах болон тохижилтын ажил гүйцэтгэх боломжийг бүрдүүлэх зорилгоор зохион байгуулж буй "Хашаа хайс" нэгдсэн арга хэмжээний хэрэгжилт, үр дүнгийн талаарх мэдээллийг нийслэлийн Газар зохион байгуулалтын албаны дарга А.Энхманлай танилцууллаа.

Нийслэлийн Засаг даргын ивээл дор зохион байгуулагдсан “Өхөөрдөм гоёо-2019” монгол туургатан хүүхэд багачууд, дизайнер, үйлдвэрлэгчдийн загварын их наадам Монголын Хүүхдийн ордонд амжилттай боллоо. Монголын туургатны үндэсний хувцасны соёлыг хүүхэд багачуудад түгээн дэлгэрүүлэх зорилготой олон улсын загварын наадмын эхний өдөр буюу тавдугаар сарын 25-нд уламжлал ёсоор Монголын хүүхдийн ордноо Монгол үндэстний болон үндэсний хэв шинжийг агуулсан гоёлын болон өдөр тутмын хувцасны загварын үзүүлбэрүүдээ толилуулж шилдгүүдээ тодрууллаа.

Нийслэлийн нийтийн тээврийн үйлчилгээний газар, Нийслэлийн Сүхбаатар дүүргийн Засаг Даргын Тамгын газартай хамтран 2019 оны 05 сарын 27-ны өдөр Сүхбаатар дүүрэгт авто үйлчилгээ эрхлэгч иргэн, аж ахуй нэгж байгууллагуудад авто үйлчилгээний салбарт мөрдөгдөж буй холбогдох хууль, дүрэм, журмын талаар мэдлэг олгох, заавар, зөвлөмж өгөх сургалт зохион байгууллаа.

НЭМГ-ын харьяа Баянзүрх дүүргийн нэгдсэн эмнэлэг, ОХУ-ын Эрхүү мужийн Эрүүлийг хамгаалах яамны харьяа Анагаах ухааны их сургууль хооронд 2019 онд хамтран ажиллах гэрээг байгуулсан билээ. Тэгвэл Нийслэлийн Эрүүл мэндийн газраас 2019 оныг “Эх, хүүхдийн тусламж, үйлчилгээг дэмжих жил” болгосонтой холбогдуулан энэ сарын 17—ноос 22-ны өдрүүдэд Баянзүрх нэгдсэн эмнэлгийнхэн ОХУ-ын Эрхүү мужийн Эрүүлийн хамгаалах яамны харьяа Анагаах ухааны их сургуулийн Хүүхдийн өвчин, халдвар судлалын тэнхимийн профессор, АУ-ны доктор Гомелля Марина Владимировна, АУ-ны дэд эрдэмтэн Птичкина Оксана Ивановна нарыг урьж сургалт зохион байгууллаа.

Улаанбаатар хотын Ерөнхий менежерийн “2019 онд сар бүр бүх нийтийн их цэвэрлэгээ зохион байгуулах тухай” А/01, А/130 дугаар тушаалын дагуу зуслан ногоон бүсийн бүх нийтийн их цэвэрлэгээг Байгаль орчин, аялал жуулчлалын яам, Нийслэлийн Байгаль орчны газар, Хүрээ морьтон ХХК-тай хамтран 9 дүүргийн хэмжээнд 05 дугаар сарын 25-ны өдрийн Бямба гаригт зохион байгууллаа.

“Төрийн үйлчилгээний цахим шилжилт” төслийн хүрээнд Нийслэлийн нутгийн захиргааны байгууллагуудын үйл ажиллагаа цахим хэлбэрт шилжиж эхэлсэн. Энэ ажлын хүрээнд нийслэлийн Нийслэлийн Мэдээлэл, технологийн газрын мэргэжилтэн Э.Баярбямбаас дараах мэдээллийг тодрууллаа.

Сүхбаатарын талбайн урд хэсгийн 2.5 га газарт тохижилтын зураг төсөл боловсруулах уралдаан зохион байгуулах тухай нийслэлийн Засаг даргын А/439 дүгээр захирамж гарсан. Энэхүү захирамжийн дагуу нийслэлийн төв талбайн урд хэсгийн тохижилтыг мэргэжлийн байгууллага, олон нийтийн оролцоотой шинэчлэх шинэ санаа, шилдэг шийдлийг тодорхойлж, бүтээн байгуулалт хийх зорилгоор 30 сая төгрөгийн шагналын сантай уралдааныг тавдугаар сарын 15-наас 29 хүртэл 14 хоногийн хугацаатай зарлаад буй.

Нийслэлийн Засаг даргын 2019 оны дөрөвдүгээр сарын 3-ны өдрийн 01 дүгээр, Улаанбаатар хотын ерөнхий менежерийн гуравдугаар сарын 26-ны өдрийн 02 дугаар албан даалгавруудын явц байдлыг эрчимжүүлэх зорилгоор нийтийн тээврийн үйлчилгээний аж ахуйн нэгж, байгууллагуудын дулаан зогсоол, засварын байр, угаалгын цэг болон үйлчилгээнд ажиллах тээврийн хэрэгслүүдэд тус газрын удирдах албан тушаалтнууд хяналт, шалгалт хийж ажиллалаа.

Хөдөлмөр, нийгмийн хамгааллын яам, нийслэлийн Гэр бүл, хүүхэд, залуучуудын хөгжлийн газар, “Монголын үндэсний зуслангуудын холбоо” ТББ-тай хамтран “Хөгжлийн хөтөлбөр хэрэгжүүлэх арга зүй” сэдэвт сургалтыг энэ сарын 23-25-ны өдрүүдэд МУБИС-ийн хичээлийн “А” байрны сургалтын танхимд зохион байгуулж байна.

Нийслэлийн Засаг даргын “Эрүүл иргэн” аян зохион байгуулах тухай 2019 оны А/320 дугаар захирамжийн дагуу иргэдийг төрөлжсөн нарийн мэргэжлийн үзлэг оношилгоонд хамруулах ажлыг нийслэлийн 152 хороодын Өрхийн эрүүл мэндийн төвд зохион байгуулах болсон.

“Олон Улсын хүүхдийн эрхийг хамгаалах өдрийг тэмдэглэн өнгөрүүлэх тухай” нийслэлийн Засаг даргын 2019 оны тавдугаар сарын 3-ны өдрийн А/409 дугаар захирамжийн дагуу ажлын хэсгийн хоёр дахь удаагийн хурлыг тавдугаар сарын 22-ний өдөр Хангарди ордонд зохион байгууллаа.

Чингэлтэй дүүрэгт 2019-2020 оны хичээлийн жилд 1 дүгээр ангид 3852 орчим элсэгч бүртгэнэ. Энэ жил тус дүүрэг нь төрийн өмчийн ерөнхий боловсролын 5, 17, 24, 37, 39, 47, 50, 57, 61, 72, 117, 138, 139, 140 зэрэг нийт 15 сургуулийн 1-р ангийн элсэлтийг цахимаар 2019 оны 05 дугаар сарын 13-27-ны өдрүүдэд зохион байгуулж байна. Өнөөдрийн байдлаар 1-р ангид цахимаар 1302 хүүхэд хүсэлт ирүүлснээс 978 элсэгчийн бүртгэлийг баталгаажуулсан байна.

Нийслэлийн Засаг даргын 2016-2020 оны үйл ажиллагааны хөтөлбөрийн хүрээнд “Монгол наадам цогцолбор” ОНӨТҮГ-аас жил бүр уламжлал болгон зохион байгуулдаг “Эрүүл иргэн-эко хөгжил” спорт өдөрлөг тав дахь жилдээ "Хүй долоон худаг"-т маргааш /2019-05-24/ зохион байгуулагдах гэж байна. “Эрүүл иргэн-эко хөгжил 2019” спорт өдөрлөг нь иргэдийг эрүүл цэвэр агаарт спортоор хичээллэх орчныг нэмэгдүүлэх, хүүхэд залуучуудад эрүүл мэндийн боловсрол олгох, бүх нийтийн биеийн тамирыг хөгжүүлэх, олон нийтэд сурталчлан таниулах зорилготой юм.

Засгийн газрын 23 дугаар тогтоолоор 2019 оныг "Иргэн төвтэй төрийн үйлчилгээний жил" болгон зарласантай холбогдуулан харилцаа холбоо, мэдээллийн технологийн салбарт хэрэгжүүлэх төсөл, арга хэмжээг нэгдсэн удирдлага, зохицуулалтаар хангах үүрэг бүхий Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ, УИХ-ын гишүүн, Цахим бодлогын түр хорооны дарга Н.Учрал нараар ахлуулсан ажлын хэсгийн 2-р хурал 2019 оны 05 дугаар сарын 21-ний өдөр Нийслэлийн Үйлчилгээний нэгдсэн төвийн Дүнжингарав салбарт боллоо.

Урьдчилан сэргийлэх үзлэгт хамрагдаж, өөрийгөө болон гэр бүл, ойр дотны хүмүүсээ сүрьеэ өвчний халдвараас урьдчилан сэргийлэх боломжтой юм.

Аялал зугаалгын улирал эхэлж байгаатай холбогдуулан “Улаанбаатар Травэл экспо 2019” үндэсний аялал жуулчлалын үзэсгэлэн 5 дахь жилдээ энэ сарын 24-26-ны өдрүүдэд “Мишээл Экспо” төвд зохион байгуулагдах гэж байна. Энэ зун амралтаараа хаашаа аялахаа төлөвлөж байгаа дотоодын аялагч, амрагчид тус үзэсгэлэнгийн үеэр доорх мэдээллийг авах боломжтой.