Уриалга

2016-12-01 10:15:54
Дэлхий нийтээрээ Хүний дархлал хомсдлын вирүс, Дархлалын олдмол хомсдлын асуудалд анхаарлаа хандуулах өдрийг “ХДХВ/ДОХ-оос сэргийлэх нь та бидний гарт” гэсэн уриан дор 11 дүгээр сарын 21-ний өдрөөс 12 дугаар сарын 7-ны өдрүүдэд тэмдэглэж байна. 30 гаруй жилийн хугацаанд хүн төрөлхтөн асар их хичээл зүтгэл гаргаж байгаа ч өнөөг хүртэл Дархлалын олдмол хомсдлыг төгс эмчлэх аргыг шийдвэрлээгүй, зөвхөн вирусийн хөгжлийг саармагжуулах, дархлааг дэмжих эмчилгээг хийж байна.  
  1. оны байдлаар дэлхийд:
  • 17 сая хүн ретровирүсийн эсрэг эмчилгээнд хамрагдсан,
  • 36.7  сая хүн ХДХВ-ын халдвартай амьдарч байна,
  • 2.1  сая хүн 1 жилд ХДХВ-ын халдвар шинээр авсан,
  • 1.1 сая хүн ДОХ-ын улмаас нас барсан.
Манай орон Дэлхийн эрүүл мэндийн байгууллага (ДЭМБ)-ын ангиллаар нийт хүн амын дунд ХДХВ-ын халдварын тархалт багатай, харин эрсдэлт бүлгийн хүн амын дунд төвлөрсөн тархалттай орны тоонд багтдаг.
Манай улсад ХДХВ-ын халдварын анхны тохиолдол 1992 онд бүртгэгдсэн ба 2016 оны 11 дүгээр сарын 8-ны байдлаар ХДХВ/ДОХ-ын нийт 218  тохиолдол бүртгэгдэж, 183 хүн Ретровирусийн эмчилгээ хийлгэж байна. Нас баралтын тохиолдол нийт 35 байна.
Нийт тохиолдлын 62 хувийг 26-34 насны иргэд эзэлж, 99 хувь нь бэлгийн замаар Хүний дархлал хомсдлын вирусийн халдвар авсан байна.
Иймд урьдчилан сэргийлэх талаар мэдлэгээ дээшлүүлж, сайн дурын зөвлөгөө шинжилгээ, эмчилгээ, хяналтад эрт хамрагдаж, өөрсдийгөө болон дотны хүмүүсээ халдвараас сэргийлэхийг уриалж байна.

НИЙСЛЭЛИЙН ЭРҮҮЛ МЭНДИЙН ГАЗАР